“Dosja e shekullit”: Mesazhi i koduar i Haklajt dhe detajet e një historie tronditëse

Kryesore



               Publikuar në : 18:40 - 21/06/18 |
enton palushi

Kur Izet Haxhia u vetëdorëzua për të ardhur në Shqipëri, pati nga ata që thanë se qëllimi është të rihapet dosja e vrasjes së Azem Hajdarit për të eklipsuar skandalet e vazhdueshme të qeverisë.


Jo më kot edhe socialistët ia përmendën këtë histori Sali Berishës një ditë më pas në Kuvend.

Por vendimi i gjykatës për të rihapur këtë dosje ka lënë shumëkënd të habitur për shkak se ajo është një dosje shumë e koklavitur dhe tashmë me kalimin e viteve, hetimi i saj vështirësohet me shumë.

Për vrasjen e Azem Hajdarit pati dhe ka sërish tre teori që jane konsumuar në media.

E para është ajo e Partisë Demokratike se Azemi u vra me ndihmën e qeverisë, e cila e shihte politikanin e fuqishëm si kërcënim.

E dyta është ajo që e përmend Izet Haxhia se vrasja u bë nga klane brenda mazhorancës, me qëllim dominimin e klanit Meidani ndaj klanit Nano.

E treta është teza e ridale së fundmi nga një raport i SHIK se përplasja mes Haklajve dhe Azem Hajdarit është bërë për pazare.

Por e vërteta mbetet shumë me e koklavitur. Mediat e majta shkruajnë se qëllimi i Haklajve atë natë nuk ishte vrasja e Azemit, por eliminimi i Sali Berishës.

Kjo pas një përplasje të Berishës me vëllain e Fatmir Haklajt, Shkëlqimin.

Sipas tyre, Berisha ka nxjerrë Hajdarin në pritë duke e ditur se ai do përplasej me Fatmir Haklaj.

Kurse vetë Izet Haxhia thuhet se ka bërë telefonatën që e ka nxjerre Azemin në pritë. Por telefoni mungon si një pjesë e rëndësishme e pazëllit.

Ndërkohë mbetet interesant roli i Jaho Mulosmani, të dënuar me burgim të përjetshëm. Ai thotë se nuk e ka bërë vrasjen, por Izet Haxhia e akuzon si njeri të SHIK-ut të Fatos Klosit.

Vetë Sali Berisha nuk para ka reaguar ndaj këtij lëmshi akuzash duke nënvizuar vazhdimisht se ata janë njerëz nën akuzë për vrasje.

Kurse motra e Fatmir Haklajt, Zylfija, shkruan se pret që tani e vërteta të dalë në shesh.

Por a do shkojë kaq thellë hetimi? Si zor të thuhet, por Haklaj shkruan se me drejtësinë do përballen edhe ata që janë… në burg.

 

 

KOMENTO (0)

Shkruaj nje koment

Your email address will not be published. Required fields are marked *

* *

Pas