Kronika, Kryesore

Detajet: Humbi jetën nga rrufeja, babai u përpoq…

Moti i keq me stuhi e shkarkime rrufesh i mori jetën një të riu që po kulloste bagëtitë.

Xhuljano Koçiu ka humbur jetën pasditen e djeshme. Sipas Policisë, ngjarja ndodhi rreth orës 17:15.



Mësohet se 22-vjeçari nga Lazarati po kulloste si përherë bagëtitë me të atin në fushën përballë këtij fshati. Stuhia e shiut që pushtoi jugun e vendit i gjeti të papërgatitur dhe të pambrojtur atë e bir, por goditja e rrufesë ka qenë fatale për të riun.

Ndonëse i ati është përpjekur t’i japë ndihmën e parë e më tej ta sjellin në spital, mjekët nuk kanë arritur të bënin asgjë. Sipas bluzave të bardha, i riu është sjellë në spital pa jetë dhe trupi i tij ka qenë pothuajse i karbonizuar.

Xhuljano ndihmonte të atin në mbarështimin e dhenve, si e vetmja e ardhur për familjen. Ai ishte fëmija i vogël i familjes prej 6 anëtarësh.

“Më datë 23.07.2018, rreth orës 17:15, ka ndërruar jetë shtetasi Xhuljano Koçiu, 22 vjeç, banues në Lazarat, Gjirokastër, pasi dyshohet se e ka goditur rrufeja. Ngjarja ka ndodhur gjatë kohës që ky shtetas po kulloste bagëtitë në fushë”, thuhej në njoftimin e Policisë.

PasPara

Leave a Reply

Your email address will not be published. Required fields are marked *



CLOSE
CLOSE
Pas