Kryesore, Mapo Letrare

Bashkim Shehu në UET, kritika të forta gazetarëve: Po e shndërroni historinë në…

Shkrimtari i njohur, Bashkim Shehu, ishte i ftuar i Universitetit Europian të Tiranës, ku dha një cikël leksionesh të hapura për pesë javë.

Në mbyllje të këtij cikli, ai ka dhënë një intervistë për pedagogen Irena Myzeqari.



Mes të tjerash, shkrimtari kishte rezerva të forta për mënyrën se si po e trajtojnë gazetarët historinë.

“Shiko, dëshmia ka gjithmonë njëlloj subjektiviteti, janë këndvështrime të ndryshme, por është shkruar për atë periudhë, ka dokumente, problem është sa të gatshëm janë njerëzit dhe sa interes ka sot që t’i lexojnë ato. Besoj se ka material, ata që kanë jetuar në atë kohë, kanë folur. Pastaj këto duhen ballafaquar dhe parë me kujdes. Unë sot shoh ose një mungesë interesi ose një shndërrim të kësaj në sensacion që është e kundërta e historisë…

….Po e shndërrojmë në sensacion gazetaresk duke botuar gjëra të vjetra si lajm i ditës dhe përsëriten sërish si lajm i ditës, sensacione të ditës. Historia ka një gjë, ka një kontinuitet, ndërsa gazeta është e kundërta, gazeta merr copa, është fragmentare, çdo ditë jep një lajm, njëlloj sikur t’i nxjerrësh gjërat jashtë kontekstit. Kur shohim aktualitetin që japin gazetat, aty ka kontekst, ndërsa nga e kaluara ne marrim copa, është krejtësisht e kundërta me metodën e historisë”.

I pyetur se përse ndodh kjo, ai tha: “Mendoj për shkak të asaj çfarë ka ndodhur, ndodh edhe kjo. Janë ngatërruar gjërat keq edhe përcillen nga një brez në tjetër po aq keqazi”.

Iniciativa e UET: Lektorium / Guest Lecturer, Bashkim Shehu i ftuar për 5 javë në një cikël leksionesh të hapura në UET

PasPara

Leave a Reply

Your email address will not be published. Required fields are marked *



CLOSE
CLOSE
Pas