Editorial, Kryesore

 A është Lulzim Basha lideri i liderëve të shumtë në opozitë?

Nga Ervis Iljazaj

Sot jam i ftuar në emisionin “360 gradë” të gazetarit Artur Zheji në Ora News, ku do të jetë në studio për të biseduar për çështjet më të rëndësishme të politikës kryetari i Partisë Demokratike, Lulzim Basha.



Duke menduar se cilat janë çështjet që mund të diskutohen me Kryetarin e Partisë Demokratike, përtej problematikave që shqetësojnë shoqërinë shqiptare dhe aksionin opozitar, një çështje shumë e rëndësishme për opozitën politike sipas gjykimit tim, është pikërisht çështja e lidershipit të saj.

Mund të duket në këto momente se, përballë problematikave që ka sot Shqipëria, kjo është një çështje që nuk ka kurrfarë rëndësie. Por, në të vërtetë, është totalisht e kundërta. Lidershipi opozitar është një tematikë e cila ka nevojë të diskutohet dhe debatohet. Sepse, është në të mirë të opozitës dhe garës politike në vend, e cila shërben për përmirësimin e demokracisë dhe jetës politike në përgjithësi.

Prandaj, që një opozitë të jetë e shëndetshme, dhe e gatshme të marrë në dorë qeverisjen e vendit, që të ushtrojë presion pozitiv ndaj qeverisë, ka nevojë të padiskutueshme për një lidership të qartë dhe të fortë. Në këtë mënyrë, përgjegjësia dhe mesazhi politik përqendrohet në një person të vetëm, duke bërë kështu marrjen e përgjegjësisë, që është një nga kushtet thelbësore për të bindur qytetarët.

Mirëpo, në këtë moment, mesazhet politike janë të shpërndara në shumë figura politike të opozitës. Madje, në figura me peshë dhe personalitet të fortë politik. Të cilët, marrin pozicione politike nga situata ekstrapozicionale nga lideri de jure i opozitës, Lulzim Basha.

Për shembull, opozita sot, në opinion publik perceptohet si një palë politike me shumë liderë. Duke filluar që nga Sali Berisha, i cili vërtet thekson se është një deputet i thjeshtë, por me staturën dhe historinë e tij politike, do të linte në hije këdo që do merrte përsipër të drejtonte Partinë Demokratike. Kështu që, posti i deputetit të thjeshtë për Sali Berishën nuk ekziston. Nëse është prezent në opinionin publik, është i rëndësishëm dhe, të konkurrosh me protagonizmin e tij është e vështirë për këdo.

Po ashtu, në opozitë sot, edhe pse e një partie tjetër, është Monika Kryemadhi, e cila gjithashtu, shquhet për një temperament të fortë politik.

Së fundmi, u kthye në protagonist të opozitës, Presidenti Ilir Meta. Shumë nga mbështetësit të Partisë Demokratike, dhe zërave publikë afër saj, e ngritën aktin e Presidentit për mosdekretimin e Sandër Lleshajt si ministër të Brendshëm në piedestal. Duke e parë atë, si një goditje të fortë kundër mazhorancës dhe duke e kthyer Metën, edhe pse për pak ditë, në liderin e ri të opozitës.

Në këtë kuptim, opozita e sotshme përbëhet nga personalitete të forta politike dhe, që shpeshherë, shpërndajnë mesazhin politik në mënyrë autonome dhe të pakoordinuar me kryetarin e Partisë Demokratike. Mesazh i cili, për të qenë efikas dhe i besueshëm duhet të jetë një i vetëm dhe i përqendruar. Vetëm në këtë mënyrë, do të krijohet një alternativë e qartë opozitare. Sepse, nëse ka një gjë për të cilën ka nevojë politika për të qenë bindëse, është pikërisht qartësia dhe lidershipi. Edhe për faktin se, deri më sot, asnjë opozitë në botë nuk ka arritur të marrë pushtetin pa një lidership të qartë dhe të fortë.

Prandaj, duke parë kontekstin, pyetja legjitime që ngrihet është: A është Lulzim Basha lideri i liderëve të shumtë që gjenden sot në opozitë?

 

PasPara

7 komente

  1. Sali Berisha sot eshte vetem nje deputet. Arsyeja qe disa e konsiderojne me shume eshte vetem nga ndikimi mediatik Eshte media ajo qe i rri para-mbrapa Berishes shkaku pse ky i fundit akoma mendohet lider. Lulzim Basha gradualisht e ka spostuar Berishen, por jane mediat ato qe e mbajne me serum duke ju referuar atij per gjithcka. Fakti qe Basha i la dhenderrin Malltezi jashte listes per deputet njelloj si Imamin, Topallin, Patozin etj tregon se Berisha eshte pa mediat nga pas, realisht vetem nje deputet. Arsyeja pse keto media amplifikojne Berishen eshte e thjeshte : Ato i sherbejne deshires socialiste per ta paraqitur akoma Berishen lider se ashtu PS ndihet me komode duke patur “Fajin e ka Saliu” akoma ne goje.

  2. Nuk është e domosdoshme që në një sistem demokratik pluralist, të gjitha partitë e ndryshme që janë në opozitë të drejtohen vetëm nga një lider. Ka raste të shumta edhe në vendet e BE, ku parti të djathta me parti të majta, duke qenë në opozitë me një parti në mazhorancë, kanë liderët e tyre dhe programet e tyre të ndryshme politike.
    Rasti më i freskët është Italia ku një parti e së djathtës ekstreme Lega , u bashkua me një parti të spektrit ekstrem të majtë si 5 yjet, e nga opozita sot janë në pushtet në koalicion me njera tjetrën.
    Edhe LSI, ka lëvizur herë në koalicion me PS e herë me PD.
    Nëse z Iliazaj shkon në takimin me z. Basha, me këtë gjykim për “lidershipin” opozitar, bën mirë ta rishikojë qëndrimin e tij pasi është jashtë realiteteve.

  3. A nuk te duket se je teper konfuz , gjasme @Qytetar , kur shpreh ne te njejten kohe , dy mendime te ndryshme ?! Nje here thua se , jane mediat ato qe amplifikojne Berishen ende si lider dhe pastaj thua te kunderten , kur thua se Berisha eshte pa median nga pas ? Vetem nje qe nuk do vete te shohe , “nuk ” e ve re , qe Berisha eshte realisht lideri kryesor I PD-se . Ne thesin e madh te mekateve e mashtrimeve te tij skandaloze , eshte edhe terheqja formale , ne dukje , nga drejtimi I Partise . Ne se ke 5 para tru , do ta kishte vene re qe , ish ammasadori I SHBA-se , z. Lu , m; teper shkonte ne zyren e vecante te Berishes , se sa tek Lul Basha ! ! ! ! ! ! !
    Por , per te dale nga situate e veshtire qe iu ka vene bajraktari serb i Vicidolit , fajin serisht ia hidhni Edi Rames ! “….. Me ksi horrlliqesh , asht fa dynjaja … “, do te thoshte I madhi Sh.Muisaraj , qe s`jeton me !

    1. Po , Po Une nuk kam shkruar…Berisha eshte pa mediat nga pas.
      por kam shkruar …Berisha eshte pa mediat nga pas, realisht vetem nje deputet.
      Pra fare qarte se Berisha pa ato media nga pas mbetet vetem nje deputet i thjeshte e asgje me shume.
      Sa per ate Ramen ai togfjaleshin “Fajin e ka Berisha” e perdor akoma pas 5 vitesh ne pushtet, pra e ka te domosdoshem Berishen.

  4. Zoti @ Shqiptar , Desha vetem t`iu pyes , se cfar aleancash mund te jene ato qe lidhen mes partive ,me programe krejt te kunderta ?! Nuk mund te drejttohet as nje biciklete , oa lere pastaj nje automjet , avion , apo per me teper nje shtet , me mendime krejt te kunderta ?! Ata e bejne aleancen per te hipur ne pushtet thjesht dhe vetem poer qellimet e tyre te ngushta partiake dhe bile interesat personale , per tu pasuruar ne kurris te popullit dhe pa ndjere asnje pergjegjesi , per ate popull qe qeverisin ?! A e sheh Ciprasin e Greqise , qe qeveris me ekstremistet e djathte , me aventuriere … , e cfar qeverisje mund te jete ajo , nga e cila nuk ka shenja te dale nga kriza Greqia ?! Pra shembuj te tille ka shume , por keto jane jashte normalitetit dhe ne dem te vendit , ndaj edhe nuk duhen marre si pike referimi edhe per ne ! Mire do te ishte , heshtja ne kete rast , se sa referimi juaj , qe nuk I sjell vendit ndonje te mire .

    1. Nuk më leni mundësinë që të reiplikoj duke ju drejtuar me pseudonimin që paraqiteni pasi këtu në vendin europian ku jetoj prej 27 vitesh, “Popo”, mender me thënë i thonë prapanicës Sigurisht që nuk është një qeveri optimale ajo që drejtohet me një koalicion partishë me proframe të ndryshme politike, por ajo që nuk kuptoni ju zotëri, është se ka të majta e të djathta ekstreme e të majta e të djathta të moderuara.. Në partitë e moderuara krijohen mundësitë për konsensuse politike qeverisëse, kur objeksionet më të rëndësishme politike ju përputhen.
      Kjo mund të ndodh edhe me partitë e ekstremit, ashtu siç përmenda se ka ndodhur në Itali.
      Objeksioni politik që i bashkoi Legën me 5 yjet, është qëndrimi kritik ndaj politikave të dyshimta të Bruxelit, që do të zgjatesha shumë për ti shpjeguar arsyet.
      Mandej duke lexuar cilësimin për profesor doktor Berishën, presidentin e parë të Shqipërisë demokratike pluraliste e kryeministrin e Shqipërisësi, si “bajraktari serb i Vicidolit”, ja ke bërë vetes portretin e enveristit..

  5. Z.Lulëzim Basha është lider i opozitës në përgjithësi, për të gjithë ata që ndihen të rreshtuar në atë anë. Kjo ndodh për shumë arsye, por më e rëndësishmja është ajo që PD-ja ka peshën më të madhe dhe se po të ishte se ky popull voton i lirë, nuk shitet , nuk blihet, nuk manipulohet, nuk shantazhohet me anë të horrave të Ripjerdhjes, me siguri, rezultati do të ishte shumë më i lartë nga ç’e kemi këto 5 vitet e fundit. Ki parasysh blerjen e jo më pak se 20% të votuesve( ndoshta shumë më tepër se ç’ pranon BE-ja. Opozita do të kishte jo më pak se 28 deputetë shtesë, që po të përkthehet në total e kalon numrin 70 me 5-10 deputetë. Basha është lider i opozitës sepse ka bërë opozitë të jashtëzakonshme pa agresivitet, duke filluar nga dekriminalizimi, lufta kundër hashashit, drogërave të tjera, deputetëve dhe ministrave të përlyer në shumë pislleqe apo kryebashkiakëve që fituan me me ndihmën e bandave etj. Nderkombëtarët , kurrë nuk e përkrahën dhe kjo është padrejtësi e madhe, duke na shitur edhe reformën si risi që nuk i dihet fundi as rezultati. Në gjëndjen e sotme ajo është ditët më të zeza të saj e krahasueshme me drejtësinë që jepte Elveri nga maja e Partisë si sekretar i parë. Në këto kushte është vështirë të jesh lider i opozitës. Nderkombëtarët nuk duhet të heshtin, nuk duhet të jenë të njeanshëm në dëm të popullit tonë. Kjo është fatkeqësi, sepse i thonë të përkrahësh horrat dhe padrejtësinë.

Leave a Reply

Your email address will not be published. Required fields are marked *



Pas