Kryesore, Politika

A duhet të na zemërojë rrëzimi i ‘Shqiponjës’?

Të shtunën në mëngjes, ‘Shqiponja’ ishte zhdukur. Bëhet fjalë për simbolin në hyrje të Tiranës. Diçka e tillë ishte paralajmëruar që në vitin 2016, kur artisti-kryeministër Edi Rama e pati bërë një vlerësim për këtë punim.

Dukej se ‘Shqiponja’ nuk do e kishte të gjatë, megjithatë ajo që pasoi ishte një shpërthim nëpër rrjetet sociale e më vonë në kampet politike.



Opozita, e cila e ngriti këtë simbol me rastin e 100-vjetorit të Pavarësisë, është e irrituar me këtë veprim. Sipas tyre, kjo, së bashku me prishjen e banesave për ndërtimin e Unazës së Madhe, është tregues korrupsioni.

Të tjerë komentues janë më të drejtpërdrejt, pasi mendojnë se është përdhosur një simbol kombëtar i rëndësishëm. Shqetësimi i tyre nuk është estetik, por etik. Ka nga ata që thonë se kjo qeveri nuk po pyet askënd në veprimet e saj.

Kurse kryeministri mbrohet sërish duke thënë se ishte një punim horror. Fotoja që postoi ai, me shqiponjën që po shembej, pikërisht një mesazh-tweet pasi ishte treguar nacionalist me çështjet e Bularatit, linte shije të hidhur tek njerëzit. Rama këmbëngul se është një vulgaritet si një hyrje në kazino. Por a nuk është bërë e tillë edhe hyrja tek kryeministria, pyet ish-ministri i tij, Ylli Manjani.

Tani ‘Shqiponja’ nuk është dhe nuk do jetë më. Mes tyre ka edhe nga ata që thonë se nuk ishte ndonjë vepër e bukur. Dhurata e një biznesmeni shqiptar të Maqedonisë nuk dihet ku do përfundojë. Por fakt është se qeveria do e ketë më të lehtë që të ketë opinionin në krahun e saj.

Tek e fundit, punimet për të zgjeruar një aks dhe një hapësirë që është kthyer në makthin e shoferëve, do jetë shumë më e rëndësishme për njerëzit.

Banorët e shtëpive që do prishen, e ndjejnë këtë kur e shohin se protestën e tyre radikale nuk po e përkrahin qytetarët, pavarësisht se çdo ditë ata u bëjnë thirrje për ndihmë. ‘Do u vijë edhe ju një ditë një gjëmë e tillë,’ paralajmëronte një prej protestueseve.

PasPara

2 komente

  1. me ramen greket e minorenet vlleh,gabel e ku di un ben orgji tre jav rresht ne bullarat .aq sa pas keti perdhunimi detyruan ta heq shqiponjen si monster grekosllave qe esht.kryeministria e rames me drita neoni si reperbani i hamburgut ku prostitut meshkuh e femra shiten.

  2. Aspak nuk duhet te zemrohet njeri per ate krijes banale.Qe veq pamjesh shqiponje nuk ka asgja bukurie sa i malli gazep ku me siguri diplomacite perendimore dhe kushdo qe ka hyre ne Tirane kam bindjen se kane qesh.Per kete lloj mrekulli krijuese.Kjo krijimtari do ishte ma me vlere te kishte permasa me dimensione ma te pranushme gjyse per gjyse ma te vogla.Me keto permasa tregon llahtarisje.
    Megjithesa kritikojme idotllekun e krijuesit.Shqiponjen le ta vendosin mbi kalimin e trete ma te sipermin.Aty gjindet edhe ma me objektivitet sepse shqiponjat nuk fluturojne posht po shume larte me garanci ma lart se gjithe shpendet tjere.Ndersa simba permasave kjo shqiponje e ka vendin mbi Dajt.Ne majen ma te nalte.

Leave a Reply

Your email address will not be published. Required fields are marked *



CLOSE
CLOSE
Pas