Ballina Aktualitet Deklaratat për “tepsinë”, Kryemadhi-Ramës: Turp nuk është të heqësh të brendshmet si...

Deklaratat për “tepsinë”, Kryemadhi-Ramës: Turp nuk është të heqësh të brendshmet si Rama, por..

“Me gjuhën e arrogantit injorant, me guximin e stimuluar nga përdorimi i substancave narkotike, Edi Rama edhe njëherë i ka gjetur fajtorët e keqqeverisjes së tij te LSI”.

Me kete gjuhe i eshte pergjigjur sot kryetarja e LSI Monika Kryemadhi deklaratave te Kryeministrit Edi Rama, i cili sipas saj, “nga Mirdita , ku as brohorimat e teknikës qendrore të kryeministrisë nuk e mbytën dot zhurmën e shpërthimit të tritolit në Shkodër, kryeministri i pushteteve të përkohshme, shpalli si fitore të madhe largimin nga puna të mbështetësve të LSI-së, me shpresën se do të frikësojë familjen tonë politike me shantazhe që zakonisht i përdor me oborrtarët e tij të pushtetit”.

Ne reagimin e saj ne rrjetet sociale, Kryemadhi shton:

“Me fjalorin e varfër dhe me paranojën e “këpucës”, Edi Rama shfaqet ashtu siç është në të vërtetë, i frikësuar jo nga këpucët që për fatin e tij nuk morën trajektoren e duhur, por nga mijëra e mijëra këpucë a çizme që i qëndrojnë sipër kokës varur atij dhe ministrave të tij.

Sepse nuk është turp të të etiketojnë si “parti e këpucëve”, as të heqësh këpucët apo të brendshmet siç ka bërë ai vetë.

Turp është të kanabizosh vendin që pretendon se drejton, të orientosh rininë drejt drogës dhe trafikut, të vjedhësh e të grabisësh çdo pasuri të Shqipërisë.

Këto veshin me turpin më të madh të mundshëm çdo lakuriqësi, jo vetëm fizike por dhe politike”.

SHPËRNDAJE

PËRGJIGJU

Please enter your comment!
Please enter your name here