A po shkon Gjermania drejt një koalicioni të madh?

Postuar më: 24 November 2017 10:52

Gjermania mund të shkojë sërish drejt një koalicioni të madh mes dy partive kryesore, CDU dhe SPD.

Socialdemokratët e drejtuar nga Martin Schulz, kishin deklaruar gjatë fushatës, por edhe pas humbjes së zgjedhjeve, se nuk do bënin koalicion të madh.

Kjo bëri që CDU e kancelares Angela Merkel të niste bisedimet me partitë e vogla.

Bisedimet dështuan para pak ditësh, pas vendimit të FDP.

Dukej se Gjermania po shkonte drejt zgjedhjeve të reja.

Megjithatë pas një nate të gjatë bisedimesh, drejtuesit e Socialdemokratëve (SPD) kanë vendosur që të japin një sinjal pozitiv.

Pas tetë orë bisedimesh, drejtuesit e SPD thanë se janë gati për të negociuar me CDU për zgjidhjen e krizës.

Sekretari i Përgjithshëm, Hubertus Heil tha se “SPD nuk i përjashton bisedimet”.

Më herët CDU ishte shprehur se dera është e hapur për Socialdemokratët.

Tani priten bisedimet me shpresën se Gjermania nuk do zhytet në një krizë politike, duke shkaktuar valë negative në mbarë Europën.

Leave a Reply

Your email address will not be published. Required fields are marked *