Ballina Aktualitet Politika Komentuesit i turren Ramës, dëshmitarët: Deputeti e masakroi

Komentuesit i turren Ramës, dëshmitarët: Deputeti e masakroi


Aksidenti me vdekje, që shkaktoi deputeti i PDIU, Aqif Rakipi ka dominuar diskutimet online.

Dëshmitarë të aksidentit tragjik të orëve të para të mëngjesit, që u shkaktua nga deputeti Aqif Rakipi, kanë qenë edhe dy kushrinjtë e viktimës, të cilët punonin bashkë me të në Tregun Agroushqimor në autostradë.


Ata kanë parë të gjithë skenën e ngjarjes, edhe pse nuk pranojnë të japin shumë detaje, pasi siç shprehen ata, po presin që të japë një version zyrtar Policia e Prokuroria, shkruan “Panorama”.

Megjithatë ata konfirmojnë se shoferi që përplasi të afërmin e tyre, në vend që të ndalonte e t’i jepte ndihmën e parë personit që aksidentoi, e shtoi edhe më shumë shpejtësinë e u largua nga vendi i ngjarjes.

“Ne pamë gjithçka sepse aty ishim, po shkonim te tregu. Nuk e aksidentoi Saitin, por e masakroi me makinë. E megjithatë as nuk e mori mundimin të ndalonte. Madje e shtoi edhe më shumë shpejtësinë duke u larguar nga vendi i ngjarjes”, shprehen dëshmitarët.

Ndërsa një familjar i viktimës shkon edhe më tej, duke hedhur dyshime se deputeti mund të jetë larguar edhe për të fshehur diçka.

“Policia thotë që nuk ishte i pirë, megjithëse jam i bindur që ka qenë i dehur. Por largimi i tij në atë mënyrë nga vendi i ngjarjes nuk lidhet vetëm me këtë. Me siguri ai ka dashur të fshehë diçka. Nuk më bindin fare justifikimet e tij që iku për t’u dorëzuar në Polici. Këto janë justifikime”, shprehet ai.

Ndërkohë kryeministri Rama ka publikuar sot në rubrikën “Mirmëngjes” një foto nga Kepi i Rodonit përmes së cilës uron qytetarët.

Por, siç duket askush se ka patur mendjen tek foto që ka publikuar kryeministri, pasi komentuesit pas lirimit të deputetit Aqif Rakipi i cili u përfshi në një aksident me pasojë vdekje e akuzojnë se ka kapur drejtësinë.

“E ke kapur drejtësinë. Ai deputeti nuk bëri asnjë ditë burg. Mirë ia bën këtij populli, jepi!”, shkruan komentuesi.



SHPËRNDAJE

PËRGJIGJU

Please enter your comment!
Please enter your name here