Vazhdon ‘vala’: Plagoset me armë zjarri pronari i argjendarisë

Postuar më: 17 July 2017 13:42

Aksidente, atentate, vetëvrasje, zjarre masive.

Këto ditë korriku po dominohen nga një valë ngjarjesh nga kronika e zezë.

Edhe kjo e hënë nuk ka nisur ndryshe.

Pronari i një argjendarie në rrugën e Dibrës në Tiranë ka mbetur i plagosur mëngjesin e kësaj të hëne.

Informacionet paraprake bëjnë të ditur se ka pasur të shtëna me armë në këtë zonë rreth orës 09.30.

Nga hetimet e para është plagosur me armë zjarri Vangjel Kashara, 28 vjeç. Ai është qëlluar nga një person i paidentifikuar, dhe sipas policisë ishte i veshur me të bardha, rreth 160 cm i gjatë dhe është larguar menjëherë nga vendi i ngjarjes.

I plagosur është transportuar menjëherë në spital ku ndodhet në kujdesin e mjekëve. Në vendin e ngjarjes është sekuestruar edhe gëzhoja e armës, e llojit pistoletë. Policia ka ngritur pika kontrolli në hyrje-dalje të zonës, dhe po punon për identifikimin dhe kapjen e autorit.

Nuk përjashtohet mundësia që ngjarja të ketë qënë dhe tentativë për grabitje, por gjithçka pritet të sqarohet nga uniformat blu.

Ndërkohë një 30-vjeçar mbeti i plagosur me thikë një ditë më parë në lagjen Nr.12 në Durrës.

Policia bën të ditur se ka vënë në pranga shtetasin Mariglen Berahi 27 vjeç, banues në fshatin Xhafzotaj, Shijak, i dyshuar si autor i plagosjes me thikë.

Sipas policisë, ngjarja ka ndodhur në një lokal, ku pas një konflikti të çastit për motive të dobëta 27-vjeçari ka tentuar të vrasë me thikë, duke e goditur në trup shtetasin E.R. 30 vjeç, banues në Durrës.

Për pasojë, i dëmtuari ndodhet në Spitalin Rajonal Durrës nën kujdesin e mjekëve.

Leave a Reply

Your email address will not be published. Required fields are marked *