Ballina Aktualitet Londër, 58 persona që konsiderohen të humbur dyshohet të kenë vdekur nga...

Londër, 58 persona që konsiderohen të humbur dyshohet të kenë vdekur nga zjarri masiv

Të paktën 58 persona që konsiderohen të humbur dyshohet të kenë vdekur nga zjarri masiv që përfshiu ndërtesën Grenfell Tower në perëndim të Londrës. Komandanti i policisë Stuart Cundy deklaroi se numri mund të ritet dhe sipas BBC, në total mund të jenë rreth 70 viktima.

Operacionet e rekuperimit në godinën e shkrumbuar, që ishin ndërprerë përkohësisht për arsye sigurie, kanë rifilluar dhe sipas zyrtarit të lartë, mund të zgjasin disa javë. Disa banorë që arritën të shpëtonin reaguan ashpër ndaj operacioneve, duke i cilësuar ato si “shumë kaotike”.

Nga ana e tij, komandant Cundy i bëri thirrje kujtdo që ka arritur të shpëtojë që të njoftojë autoritetet që tashmë ndodhen në një vend të sigurtë. Lidhur me operacionet, ai tha: “Sapo të mundemi do të rekuperojmë trupat dhe do të njoftojmë të dashurit e tyre”.

SHPËRNDAJE

PËRGJIGJU

Please enter your comment!
Please enter your name here