Saimir Tahiri dhe Adriatik Llalla do të ruhen nga Garda deri në vitin 2019

Postuar më: 19 May 2017 18:15

Ministri i Brendshëm dhe Prokurori i Përgjithshëm do të ruhen nga Garda e Republikës për dy vite, jo për dy muaj sikurse ishte më parë.

Bëhet fjalë për një ndryshim në vendimin e vitit 2007 “Për përcaktimin e personaliteteve të tjera të larta shtetërore të vendit, që do të ruhen dhe mbrohen nga Garda e Republikës së Shqipërisë edhe pas lirimit nga funksioni”.

Mësohet se ndryshimet erdhën në bazë të analizës së informacionit kriminal dhe riskut, të cilat janë vlerësuar në shkallë të lartë rreziku, raporton gazetarja e Neës24 Dorjana Bezat.

Vendimi i mëparshëm parashikon që Ministri i Brendshëm dhe Prokurori i Përgjithshëm të ruhen dhe mbrohen me shoqërim nga oficerë dhe nënoficerë deri në dy muaj pas lirimit nga detyra.

Por qeveria i ka ndryshuar afatet, duke bërë që këto dy personalitete të ruhen deri në dy vite. Në këtë mënyrë deri në vitin 2019 ish ministri i Brendshëm Tahiri dhe pasuesi i tij pasi të lërë detyrën do ketë eskortë personale, e cila do garantojë sigurinë e tij.

Vendimi vlen dhe për kryeprokurorin Adriatik Llalla. Ky vendim qeverie vjen në një kohë kur Tahiri dhe Llalla kanë marrë disa herë kërcënime të drejtpërdrejta.

Leave a Reply

Your email address will not be published. Required fields are marked *