Ballina Aktualitet Politika KQZ mbyll procedurën për Kavajën, presidenti pritet të caktojë datën e re

KQZ mbyll procedurën për Kavajën, presidenti pritet të caktojë datën e re


Komisioni Qendror i Zgjedhjeve është mbledhur pasditen e së premtes për t’i dhënë zgjidhje çështjes së datës së zgjedhjeve të reja për Bashkinë e Kavajës.


Pas dështimit të zgjedhjeve atje më 7 maj, për shkak të tërheqjes së kandidatëve në garë, KQZ kishte njoftuar se do merrte një vendim së shpejti.

Mbledhja e sotme shërben për të vendosur dhe informuar presidentin për dështimin e procesit, mosmbajtjen e zgjedhjeve dhe nevojën për caktimin e një date të re zgjedhjesh.

Ajo pritet të jetë më 25 qershor, ashtu siç u vendos në marrëveshjen politike mes kryeministrit Rama dhe kryetarit të opozitës Lulzim Basha.

“KQZ vendosi të konstatojë përfundimin pa votim dhe rezultat të zgjedhjeve në Kavajë më 7 maj 2017. Vendimi hyn në fuqi menjëherë dhe kundër këtij akti mund të bëhet ankim në Kolegjin Zgjedhor brenda 8 ditëve nga shpallja. Me 6 vota pro dhe 1 kundër mbledhja e sotme mbaron dhe menjëherë t’i dërgohet akti presidentit për përgatitjen e shkresës për zgjedhjet”, deklaroi kryetari Denar Biba.



SHPËRNDAJE

PËRGJIGJU

Please enter your comment!
Please enter your name here