Hahn “godet” liderët e rajonit: Duan të qëndrojnë gjatë në pushtet

Postuar më: 17 March 2017 13:26

Eurokomisioneri Johannes Hahn ka “goditur” liderët e rajonit duke u shprehur se ata duan të qëndrojnë gjatë në pushtet.

Në një intervistë për DW, Hahn është shprehur se ka “lojtarë” të cilët prej shumë kohësh janë në pushtet dhe duan të vazhdojnë të jenë ende në skenën politike.

Liderët duhet të ndryshojnë, theksoi Hahn, kur vjen momenti për tu rizgjedhur.

“Para një situata, kur të rinjtë largohen nga vendi, gjërat duhet të ndryshojnë”, tha ndër të tjera eurokomisioneri.

Ai tha gjithashtu se tregu i përbashkët ofron një kontribut për paqëtimin dhe stabilizimin duke përgatitur paralelisht edhe integrimin europian.

Intervista me eurokomisionerin Hahan.

Në një kohë që në Ballkan ka probleme në proceset e zhvillimit demokratik  dhe ekonomi, shfaqen tani edhe tensione ndërshtetërore apo ndëretnike. Në takimin e gjashtë krerëve ballkanikë në Sarajevë ju propozoni krijimin e një tregu të përbashkët. A është kjo rruga e duhur për uljen e tensioneve?

Johannes Hahn: Po, kjo është rruga e duhur. Procesi i Berlinit ka idenë e procesit europian. BE ka bërë që të sigurohet paqja në kontinent. Rajoni i vetëm, ku Europa nuk është e sigurtë 100% për paqen është Ballkani. Procesi i Berlinit nuk është gjë tjetër, veçse dyfishimi i idesë themeluese të BE. Përmes bashkëpunimit intensiv të largohet oreksi për shkatërrim. Këtu ka fusha të ndryshme bashkëpunimi: transporti për shembull, ku thjesht me ndërtimin e autostradave vendet afrohen më shumë me njëri-tjetrin. Po ashtu hekurudha. Këto çojnë në varësi e lidhje të gjithanshme. Dhe kur të kemi tregun e përbashkët, atëherë mund të ndiqen po të këto qëllime, pra të ofrojmë një kontribut për paqëtimin, duke përgatitur paralelisht integrimin europian. Një perspektivë e shkurtër e afatgjatë.

Kundër propozimit tuaj ka rezistencë nga Mali i Zi dhe Kosova…

Johannes Hahn: Sigurisht duhet të bëjmë punë bindëse. Mendoj se ia kam dalë të heq disa shqetësime. Pra, varet nga ekipet tona që të bëjnë të qartë gjatë përgatitjeve të samitit të Triestes, se çfarë është në thelb tregu i përbashkët. Edhe skeptikët do ta kuptojnë se ai është në interes të tyre.

Çfarë dinamike sjell tregu i përbashkët për këto vende?

Johannes Hahn: Nga njëra anë nuk dua që ato vende që ecin më shpejt përpara në këtë gjë të kenë probleme, ky do të ishte sinjali i gabuar. Nga ana tjetër po ta shohim nga interesi i përbashkët, është mirë që disa gjëra të përshpejtohen. Shpresoj nga vënia në realitet e këtij projekti që vendet që çalojnë t’i bashkangjiten më shpejt të tjerëve.

Takimi i Sarajevës është edhe përgatitje për procesin e Berlinit që zhvillohet këtë vit në Trieste. Çfarë do të mund të vendoset aty?

Johannes Hahn: Në rastin më ideal një vendim parimor për krijimin e tregut të përbashkët. Kjo mund të bëhet, nëse malazezët e kosovarët e dinë se për çfarë bëhet fjalë dhe nuk kanë më kundërshtime e të tjerët që donin më shumë të kuptojnë, se nuk bëhet ndryshe, por që ky është hapi i parë. Shpresoj po ashtu që të arrihet një nënshkrim i marrëveshjes për komunitetin e transportit (Transport Community Treaty), që mund të përshpejtojë çështjet e transportit.

Bashkëpunimi ekonomik është njëra anë. Por BE është bashkësi vlerash, këtu shtetet e Ballkanit kanë deficite të dukshme, sidomos liderët ballkanikë janë në qendër të kritikave…

Johannes Hahn: Po e vërtetë është që kemi një fenomen, që në këto  vende ka “player” të cilë janë prej shumë kohësh aty dhe që për arsye të ndryshme është e vështirë që kjo të ndryshohet në këto vende. E me sa kuptoj ata duan të vazhdojnë të jenë në skenë. Liderët do ta kuptojnë, që duhet të ndryshojnë, kur vjen momenti që të rizgjidhen. Para një situate, kur të rinjtë dinamikë largohen nga vendi, që kemi një papunësi të lartë, sidomos tek të rinjtë, kur njerëzit janë të zhgënjyer, ata e kuptojnë së gjërat duhet të ndryshojnë. Për të ndryshuar cilësinë e jetës së njerëzve duhet të ndryshojnë edhe kushtet ekonomike. E këtu unë kam gjithmonë tezën time që e përsëris jo vetëm në Ballkan, se atraktiviteti ekonomik rritet me sigurinë e shtetit ligjor.

Mendoni se ndryshimi është i mundur pa ndryshime elitash?

Johannes Hahn: Kam folur me të rinjtë (Projekt e4u9 dhe u them se është e mrekullueshme që angazhoheni politikisht. Se nëse nuk e bëni ju e bëjnë të tjerët, dhe ata marrin vendime që prekin edhe jetën tuaj. Erdhi dikush, që më tha se është shumë e vështirë të krijohet një parti, por ata kanë vendosur ta bëjnë këtë. Sigurisht tek të rinjtë kanë filluar të ndryshojnë disa gjëra. Ata që kanë kuptuar se strukturat tradicionale nuk sjellin gjë e krijojnë të reja, ne e mbështesim këtë.

Vërehet rritje e ndikimit rus dhe të Turqisë, atraktiviteti i BE-së ka rënë…

Johannes Hahn: Në Serbi mbështetja për BE-në është 52%, në vende të tjera 75%, në Shqipëri 90%. Me këto shifra duhet të jemi më të vetësigurtë. Kjo nuk do të thotë që nuk pranojmë kritika. Problemi që kemi është se ne pikërisht në emër të kësaj aspirate europiane paraqitemi si dikush që vë kushte. E kur dikur të vë kushte, si reformat, kjo nuk është gjithmonë e lehtë, prandaj nisma si tregu i përbashkët, apo dyfishimi i buxhetit të  programit “Erasmus” për bursat, synojnë që njerëzit ta kuptojnë vlerën e shtuar.

Si e shpjegoni ju domosdoshmërinë e angazhimit për vendet e Ballkanit Perëndimor në BE?

Johannes Hahn: Evropa duhet ta kuptojë se Ballkani vazhdon të jetë një rajon i paqëndrueshem, pa stabilitet dhe me potecial relativisht të madh rreziku. Në rast se ndodh diçka ne mund të përjetojmë një valë të madhe migrimi si para 20 vjetësh. Rrugët nga Ballkani në BE janë të shkurtra. Por pozitivja është se ky rajon ka potencial të madh rritjeje ekonomike dhe në rast se krijohet tregu i brendshëm në rajon mund të krijohen vende pune. Ne si BE kemi interes për stabilitet në rajonin tonë fqinjë. Unë them gjithmonë, ne ose do të eksportojmë stabilitet ose do të importojmë mungesë stabiliteti. Kjo vlen si për Ballkanin edhe për vendet e partneritetit lindor dhe jugor./DW/

1 koment për këtë artikull
  1. m. muharremi at 9:59 pm

    Lideret e rajonit donje te qendrojne gjate ne pushtet z.Han sepse, ju zoterijt e BE , doni qe ata te jene aty ku jane pra , ne pushtet. Kur me 2007 PDK i fitoi zgjedhjet ne kosove me nji vjedhje industriale votash, vjedheje te cilen e pane gjithe , pra edhe autoritetet BE ,edje OSBE -ja ju , ose paraardhesit tuaj ne BE z.Han, i pranuat ato zgjedhje sepse , juve ne BE ju deshe z. Thaci dhe parija e tij PDK per ti ” quar disa procese preparata ” ku nder kryesoret ishte dialogu me serbine, ose thjeshte, rehabilitimi i serbise kriminale dhe vendosja e saje ne poziten e viktimes kurse , ne shqiptaret qe kishim pesuar aq shume nga agresiomi serb , doli te jemi agresor ne mbrojtje te pragut te shtepive tona
    Tani , keta lider te balkanit u dashka te shkonin kurse, gjithe lideret e ballkanit Z. Han , ju i perkeahni dhe , cfare do te thote kjo, ju talleni ose jeni cinik me popujt e ballkanit apo e shprehni kete mendim per ti raskapitur ata , per te ia shpenzuar energije, dhe per ti lodhur ata akoma me teper duke ia humbur edhe shpresen e fundit te ndrrimit dhe ndjekjes penale te keryre liderucave ballkanik per arsye se re gjithe jane te perfshire ne afera korruptuve dhe krime financiare etj. Dhe , popujt e ballkanit largimin e lidereve te tyre, ne vecanti Kosova, s po mund ta bejne dote pikrisht per arsye te perkrahjes dhe mbeshtetjes se pa rezerve te BE ,i
    nderuari z. Han…!

Leave a Reply

Your email address will not be published. Required fields are marked *