Meta jep alarmin: Ka përpjekje për të tensionuar zgjedhjet

Postuar më: 17 February 2017 19:09

metaKreu i LSI-së, Ilir Meta tha sot në një mbledhje të Komitetit Drejtues të LSI-së se për zgjedhjet e qershorit ka përpjekje për të tensionuar situatën.

“Të mos humbim vëmendjen nga disa reforma të rëndësishme që ka vendi. Të vazhdojë në mënyrë transparent të reformës në drejtësi, pasi është dhe një kërkesë për hapjen e negociatave të anëtarësimit.

Është e rëndësishme edhe për klimën politike para zgjedhore për të qenë sa më konstruktive, pasi nuk mungojnë përpjekjet për të tensionuar artificialisht situatën parazgjedhore”, u shpreh Meta.

“Duhet të nënvizojë rëndësinë sa më të shpejtë të reformës zgjedhore e cila duhet të kishte përfunduar me kohë, duke reflektuar kërkesat e OSBE/ODIHR. Vazhdimi i pandalshëm i dekriminalizimit, jo vetëm detyrim, por edhe standard për zgjedhjet e 18 qershorit.

Në të gjitha këto aspekte, dua të shpreh angazhimin e LSI për të gjeneruar një klimë sa më konstruktive, sa më racionale që ndihmon ecurinë e suksesshme të këtyre reformave, për të ardhmen e vendit, stabilitetin dhe integrimin europian”, vijoi ai më tej.

Meta tha edhe se me rëndësi është arritja e standardeve dhe jo rezultati i partive në zgjedhje.

Leave a Reply

Your email address will not be published. Required fields are marked *