Ballina Kultura Rrënimi i shtëpisë së Lolomanëve, Forumi për Mbrojtjen e Trashëgimisë: Kush e...

Rrënimi i shtëpisë së Lolomanëve, Forumi për Mbrojtjen e Trashëgimisë: Kush e paguan efektin Kumbaro


gjirokastra-1Dy pamje katastrofike nga shtëpia e Lolomanëve në zonën historike të kalasë së Gjirokastrës: rrënimi vazhdon duke marrë dalëngadalë jetën e saj, ende pa përmbushur premtimin e shtetit se ky qytet historik do mëkëmbet.

Forumi për Mbrojtjen e Trashëgimisë vazhdon me denoncimet, duke dërguar sinjalin SOS për shtëpinë e Lolomanëve, përmes fotove të hedhura me rrjetin e saj social.


“Kush paguan efektin Kumbaro në Gjirokastër, ku asnjëherë më parë nuk është ndeshur një degradim i tillë. Ndërkohë zonja merret thjesht me fasadat (e ndërtesave jashtë rrezikut)”, është reagimi i Forumit, me të drejtë për të vënë përballë përgjegjësisë institucionin përgjegjës për këtë katastrofë kulturore.

Pamjet u përkasin dy viteve: shtëpia e Lolomanëve në vitin 2014 dhe së fundi, në vitin 2016 ku tregohet qartë se si shtëpia po mban ditët e fundit të saj.

Ndonëse shtëpitë në Gjirokastër jo pak herë kanë ndezur debatin për rrënimin e tyre, dhe në një intervistë për “MAPO” ministrja e Kulturës Mirela Kumbaro u pat shprehur se së shpejti do të kishin një strategji mbi tavolinë ku do të mblidhej me grupet e interesit, deri tani duket se gjendja do përcillet deri në fundqershor, pa mbartur asnjë përgjegjësi politike, për çfarë po ndodh me trashëgiminë kulturore.

 



SHPËRNDAJE

PËRGJIGJU

Please enter your comment!
Please enter your name here