UET organizon festë dhe dhuron batanije në Shtëpinë e të Moshuarve

Postuar më: 28 December 2016 13:27
Festat e fundvitit kanë sjellë festë dhe Shtëpinë e të Moshuarve në Tiranë. Nismës së Ministrisë së Mirëqënies Sociale për të organizuar një atmosferë festive dhe për të dhënë dashuri tek brezi i tretë i bashkua dhe Universiteti Europian të Tiranës, i cili financoi festën e fundvitit për të moshuarit dhe dhuroi 48 batanije për të moshuarit e kësaj qendre.
Drejtoresha e kësaj qendre, Anila Peçi, falenderoi UET-in për mbështetjen duke e konsideruar me rëndësi dhënien e dashurisë dhe përkujdesjes për të moshuarit që kalojnë ditët në këtë qendër.
Në festë mori pjesë dhe kryeministri Edi Rama, i cili vlerësoi ngritjen dhe mirëmbajtjen e kësaj qendre me qëllim që t’u ofrojë të moshuarve kujdes shoqëror, shërbime si ndihma mjekësore dhe kujdes familjar, në mënyrë që të mos ndihen vetëm.
I pranishëm ishte edhe   Presidenti i UET-it, Prof.dr.Adrian Civici, duke e cilësuar gjestin e bamirësisë së UET-it si pjesë e përgjegjësisë sociale të institucionit në vazhdën e disa nismave të tjera për dhënien e bursave për të rinjtë e talentuar, por që s’kanë mundësi financiare, për të rinjtë që vijnë nga shtresat të margjinalizuara, siç janë romët e egjiptianët, etj.. 

Leave a Reply

Your email address will not be published. Required fields are marked *