“Nuk e dija që një njeri mund të ishte kaq i lig!”

Postuar më: 16 December 2016 17:48

Duke mos patur mundësinë që të dëshmonte në gjyqin e ish – të dashurit të saj, për natën që ky e fundit i hodhi benzinë dhe i vuri flakën, një grua nga Ohio thërriti median në dhomën e spitalit ku qëndron, për të rrëfyer tmerrin që ka përjetuar.

Të hënën, 41 – vjeçari Michael Slager u dënua me 11 vite burg për sulmin e tmerrshëm të ndodhur në Gusht të 2015 –ës, ndaj të dashurës së tij në atë kohë, Judy Malinowski.

33 – vjeçarja, e cila përgjatë 16 muajve ka qëndruar në spital nën kujdesin e mjekëve, ishte betuar se do të dëshmonte kundër Slager, megjithatë, gjërat nuk shkuan sipas planit.

Duke folur nga shtrati i spitalit për gazetarët, ajo kujtoi momentin e tmerrshëm, kur Slager, pas një zënke në një karburant në Gahanna, i hodhi benzinë dhe i vuri flakën. Ajo rrëfeu se shikimi në sytë e tij në ato momente ishte “djallëzi e pastër”.

mal-burri

“Nuk më shkonte kurrë ndërmend që një njeri mund të ishte kaq i lig, kaq djallëzor. Ai qëndroi duke më parë dhe nuk bëri asgjë”.

Slager kishte treguar gjithnjë versionin se i kishte vënë flakë Malinowskit aksidentalisht, teksa po përpiqej të ndizte një cigare, ndërsa avokati pretendoi se klienti i tij kishte pësuar djegie duke u përpjekur për të shuar zjarrin.

Megjithatë, këto pretendime u hodhën poshtë nga gjykatësi, i cili i tha: “Nuk kam asgjë për t’i thënë një njeriu si ty. Dukesh si një njeri që në të vërtetë nuk ka shpirt.”

Sulmi e la nënë e 2 fëmijëve me djegie të gradës së 4 dhe të 5 në më shumë se 80 përqind të trupit dhe i kushtoi asaj 2 gishta dhe të dy veshët, që u shkrinë nga zjarri.

mal1

Aktualisht, Malinowski mer frymë nëpërmjet ventilatorit, nuk mund të ecë dhe mezi flet. Deri më tani, ajo i është nënshtruar më shumë se 50 ndërhyrjeve dhe mjekët shprehen se ka pak gjasa që t’ia dalë.

Leave a Reply

Your email address will not be published. Required fields are marked *